बांगला देशचा कर्णधार शाकिब लोकसभा निवडणूक लढवणार
आयसीसी वन डे विश्वचषक २०२३ मध्ये वादग्रस्त अपीलमुळे चर्चेत राहिलेला बांगलादेशचा कर्णधार शाकिब अल हसन आता लोकसभेची निवडणूक लढणार आहे. शाकिब त्याच्या जिल्ह्यातील मागुरा -१ या मतदारसंघातून नशीब आजमावत आहे. ७ जानेवारीपासून होणार्‍या सार्वत्रिक निवडणुकीत सत्ताधारी बांगलादेश अवामी लीग या पक्षातून शाकिब निवडणुकीच्या मैदानातून उतरणार आहे.
शाकिबच्या आधी बांगलादेशी क्रिकेटपटू मशरफे मुर्तजा याने निवडणूक लढवली आहे. तो खासदार असताना देखील क्रिकेट खेळ खेळला आहे. निवडणूक लढण्यापूर्वी शाकिब बांगलादेश संघाचे कर्णधारपद सोडणार असल्याची माहिती आहे. शाकिब अल हसन नवीन खेळी करणार असल्याची माहिती त्याने काही दिवसांपूर्वीच दिली होती. शाकिब त्याच्या जिल्ह्यातील दक्षिण-पश्चिम गृह जिल्हा मागुरा किंवा राजधानी ढाका येथील जागेवरून निवडणूक लढवू शकतो, असे बांगला देश अवामी लीगचे संयुक्त सरचिटणीस नसीम यांनी सांगितले होते. सध्या बांगलादेशाचे पंतप्रधानपद शेख हसीना यांच्या हाती आहे. यावेळीही विरोधी पक्षांचा बहिष्कार कायम राहिल्यास चौथ्यांदा त्या सत्तेत परतणार हे जवळपास निश्चित आहे. हसीना यांनी देशाची आर्थिक स्थिती मजबूत व्हावी यासाठी काही महत्त्वाचे निर्णय घेतले.
